Ezekiel 40

Umbono womprofethi ngethempeli elitsha

1Ngomnyaka wamatshumi amabili lanhlanu wokuthunjwa kwethu ^a, ekuqaliseni komnyaka, ngolwetshumi lwenyanga, ngomnyaka wetshumi lane ^b emva kokuthi umuzi usutshayiwe ^c, ngalona lolosuku isandla seNkosi saba phezu kwami ^d, wangiletha lapho. 2Ngemibono kaNkulunkulu ^e wangisa elizweni lakoIsrayeli, wangibeka phezu kwentaba ende kakhulu ^f; njalo eceleni kwayo kwakulokunjengesakhiwo somuzi ngaseningizimu. 3Wasengiletha khona, khangela-ke, kwakulomuntu ^g osimo sakhe sasinjengesimo sethusi ^h, elentambo yefilakisi* esandleni sakhe ⁱ, lomhlanga wokulinganisa ^j; wema-ke esangweni. 4Lowomuntu wasesithi kimi: Ndodana yomuntu ^k, bona ngamehlo akho, uzwe ngendlebe zakho ^l, ubeke inhliziyo yakho phezu kwakho konke engizakutshengisa khona ^{m , n}; ngoba ulethwe lapha ukuze ngikutshengise khona. Landisa konke okubonayo kuyo indlu yakoIsrayeli ^o. 5Khangela-ke, kwakulomduli ngaphandle kwendlu ozingelezeleyo inhlangothi zonke ^p, lesandleni somuntu kwakulomhlanga wokulinganisa wezingalo eziyisithupha ^q, ngengalo ^r lobubanzi besandla ^{s , t}. Waselinganisa ububanzi besakhiwo, baba ngumhlanga owodwa ^u, lokuphakama, kwaba ngumhlanga owodwa ^v.

6Wasesiza esangweni elikhangele indlela yempumalanga ^w, wakhwela ngezinyathelo zalo ^x, walinganisa umbundu wesango ^y, ububanzi baba ngumhlanga owodwa, lomunye umbundu ^z, ububanzi baba ngumhlanga owodwa. 7Njalo yilelo lalelokamelo ^aa, ubude baba ngumhlanga owodwa, lobubanzi baba ngumhlanga owodwa; laphakathi kwamakamelo kwaba yizingalo ezinhlanu ^ab; lombundu wesango ngasekhulusini lesango ^ac ngaphakathi waba ngumhlanga owodwa ^ad. 8Walinganisa lekhulusi lesango ngaphakathi, laba ngumhlanga owodwa ^ae. 9Waselinganisa ikhulusi lesango, laba yizingalo eziyisificaminwembili; lemigubazi yawo ^af, yaba zingalo ezimbili ^ag; lekhulusi lesango lalingaphakathi ^ah. 10Lamakamelo esango ngendlela yempumalanga ^ai ayemathathu ngapha lamathathu ngapha; njalo womathathu ayelesilinganiso sinye ^aj; lemigubazi yayilesilinganiso sinye ngapha langapha. 11Waselinganisa ububanzi bentuba yesango, baba yizingalo ezilitshumi; ubude besango, baba yizingalo ezilitshumi lantathu. 12Lomkhawulo ^ak phambi kwamakamelo wawuyingalo eyodwa ngapha, lomkhawulo ^al wengalo eyodwa ngapha; lekamelo laliyizingalo eziyisithupha ngapha, lezingalo eziyisithupha ngapha ^am. 13Waselinganisa isango kusukela ephahleni lwelinye ikamelo kusiya ephahleni lwelinye; ububanzi babuzingalo ezingamatshumi amabili lanhlanu, umnyango phambi komnyango ^an. 14Wenza futhi imigubazi ^ao yaba zingalo ezingamatshumi ayisithupha ^ap, ngitsho kuze kube semgubazini weguma inhlangothi zonke zesango zizingelezele. 15Njalo kusukela ebusweni besango lokungena kuze kube sebusweni bekhulusi lesango elingaphakathi kwaba zingalo ezingamatshumi amahlanu ^aq. 16Futhi kwakulamawindi avaliweyo emakamelweni ^ar, lasemigubazini ^as yawo ngaphakathi kwesango inhlangothi zonke azingelezeleyo ^at; langokunjalo amakhulusi; lamawindi inhlangothi zonke azingelezeleyo ngaphakathi ^au; laphezu kwemigubazi ^av kwakulezihlahla zelala ^aw.

17Wasengingenisa egumeni elingaphandle ^ax, khangela-ke, kwakulamakamelo ^ay, lendawo egandelweyo eyenzelwe iguma inhlangothi zonke ezingelezeleyo ^az; kwakulamakamelo angamatshumi amathathu phezu kwendawo egandelweyo ^ba. 18Lendawo egandelweyo ^bb yayingasemasangweni maqondana lobude bamasango ^bc; kwakuyindawo egandelweyo engaphansi. 19Waselinganisa ububanzi, kusukela ngaphambi kwesango elingaphansi kusiya ngaphambi kweguma elingaphakathi ngaphandle, kwaba yizingalo ezilikhulu, ngasempumalanga langasenyakatho.

20Lesango elikhangele indlela yenyakatho, kulo iguma elingaphandle ^bd, walinganisa ubude balo lobubanzi balo. 21Lamakamelo ^be alo ayemathathu ngapha, njalo emathathu ngapha ^bf; lemigubazi yalo ^bg lamakhulusi alo kwakunjengesilinganiso sesango lokuqala ^bh. Ubude balo babuzingalo ezingamatshumi amahlanu ^bi, lobubanzi buzingalo ezingamatshumi amabili lanhlanu ^bj. 22Lamawindi ^bk alo lamakhulusi ^bl alo lezihlahla zalo zelala ^bm kwakunjengesilinganiso sesango elikhangele indlela yempumalanga. Njalo benyukela kilo ngezinyathelo eziyisikhombisa ^bn; lamakhulusi alo ayephambi kwakho ^bo. 23Lesango leguma elingaphakathi lalimaqondana lesango elingasenyakatho ^bp langasempumalanga ^bq. Waselinganisa kusukela esangweni kusiya esangweni ^br, kwaba zingalo ezilikhulu.

24Emva kwalokho wangiletha ngendlela yeningizimu, khangela-ke, kwakukhona isango ngasendleleni yeningizimu; waselinganisa imigubazi yalo ^bs lamakhulusi alo njengokwalezizilinganiso ^bt. 25Kwakukhona amawindi ^bu kilo lakuwo amakhulusi alo ^bv azingelezeleyo inhlangothi zonke, njengalawomawindi ^bw. Ubude babuzingalo ezingamatshumi amahlanu ^bx, lobubanzi buzingalo ezingamatshumi amabili lanhlanu ^by. 26Kwakukhona izinyathelo eziyisikhombisa ^bz zokwenyukela kilo ^ca, lamakhulusi ^cb alo ayephambi kwazo; njalo lalilezihlahla zelala ^cc, esinye ngapha, lesinye ngapha, phezu kwemigubazi yalo ^cd. 27Kwakukhona isango egumeni elingaphakathi ngendlela yeningizimu ^ce; waselinganisa kusukela esangweni kusiya esangweni ngendlela yeningizimu, kwaba zingalo ezilikhulu ^cf.

28Wasengiletha egumeni elingaphakathi ngesango leningizimu ^cg, walinganisa isango leningizimu njengokwezilinganiso lezi ^ch. 29Lamakamelo ^ci alo lemigubazi yalo ^cj lamakhulusi alo kwakunjengokwezilinganiso lezi. Njalo kwakukhona amawindi ^ck kilo lakuwo amakhulusi alo ^cl inhlangothi zonke azingelezeleyo. Lobude babuyizingalo ezingamatshumi amahlanu ^cm, lobubanzi babuzingalo ezingamatshumi amabili lanhlanu ^cn. 30Kwakulamakhulusi azingelezeleyo inhlangothi zonke ^co; ubude babuzingalo ezingamatshumi amabili lanhlanu ^cp, lobubanzi babuzingalo ezinhlanu ^cq. 31Lamakhulusi ^{cr , cs} alo aba ngasegumeni elingaphandle, lezihlahla zelala ^ct zaziphezu kwemigubazi ^cu yalo, lokwenyukela kilo kwakulezinyathelo ^cv eziyisificaminwembili.

32Wasengiletha egumeni elingaphakathi ngasendleleni yempumalanga ^cw; walinganisa isango njengokwezilinganiso lezi ^cx. 33Lamakamelo alo ^cy lemigubazi yalo ^cz lamakhulusi alo ^da kwakunjengokwezilinganiso lezi ^db; kwakukhona amawindi kilo ^dc lakuwo amakhulusi alo ^dd inhlangothi zonke kuzingelezele. Ubude babuzingalo ezingamatshumi amahlanu ^de, lobubanzi babuzingalo ezingamatshumi amabili lanhlanu ^df. 34Lamakhulusi ^{dg , dh} alo ayengasegumeni elingaphandle; lezihlahla zelala ^di zazisemigubazini yalo, ngapha langapha; lokwenyukela kilo kwakulezinyathelo eziyisificaminwembili ^dj.

35Wasengisa esangweni elingenyakatho, walinganisa njengezilinganiso lezi ^dk. 36Amakamelo alo ^dl, imigubazi yalo ^dm, lamakhulusi alo ^dn, lamawindi ayekulo ^do inhlangothi zonke azingelezeleyo; ubude babuzingalo ezingamatshumi amahlanu ^dp, lobubanzi buzingalo ezingamatshumi amabili lanhlanu ^dq. 37Lemigubazi yalo ^dr yayingasegumeni elingaphandle, lezihlahla zelala ^ds zazisemigubazini yalo, ngapha langapha; lokwenyukela kilo kwakulezinyathelo eziyisificaminwembili ^dt. 38Njalo amakamelo ^du leminyango yalo kwakungasemigubazini yamasango ^dv; lapho babegezisela ^dw umnikelo wokutshiswa ^dx.

39Lekhulusini lesango kwakukhona amatafula amabili ngapha, lamatafula amabili ngapha, ukuhlabela phezu kwawo umnikelo wokutshiswa ^{dy , dz} lomnikelo wesono ^ea lomnikelo wecala ^eb. 40Laseceleni ngaphandle ekwenyukeleni kuso isivalo sesango lenyakatho kwakulamatafula amabili, laseceleni elinye elingasekhulusini lesango kwakulamatafula amabili. 41Amatafula amane ngapha, lamatafula amane ngapha, ngaseceleni kwesango; amatafula ayisificaminwembili, ababehlabela phezu kwawo ^ec. 42Lamatafula amane omnikelo wokutshiswa ^ed awamatshe abaziweyo ^ee; ubude babuyingalo eyodwa lengxenye, lobubanzi babuyingalo eyodwa lengxenye, lokuphakama kwakuyingalo eyodwa. Phezu kwawo babeka izikhali abahlaba ngazo umnikelo wokutshiswa ^ef lomhlatshelo. 43Kwakulezingwegwe ^eg, eziyibubanzi besandla ^eh sinye, zimisiwe ngaphakathi inhlangothi zonke ezizingelezeleyo; laphezu kwamatafula kwakulenyama yomnikelo.

44Langaphandle kwesango elingaphakathi kwakulamakamelo ^ei abahlabeleli egumeni elingaphakathi ^ej, elaliseceleni kwesango elisenyakatho, lokukhangela kwalo kusendleleni yeningizimu; elilodwa liseceleni kwesango eliseningizimu, likhangele ngasendleleni yenyakatho. 45Wasesithi kimi: Lelikamelo ^ek okukhangela kwalo kusendleleni yeningizimu, lingelabapristi, abagcina umlindo wendlu ^el. 46Lekamelo okukhangela kwalo kusendleleni yenyakatho lingelabapristi ^{em , en}, abagcina umlindo welathi ^eo. La ^ep ngamadodana kaZadoki ^eq phakathi kwamadodana kaLevi, asondela eNkosini ukuyikhonza ^{er , es}. 47Waselinganisa iguma; ubude baba zingalo ezilikhulu ^et, lobubanzi baba zingalo ezilikhulu ^eu, lilingene inhlangothi zozine ^ev; lelathi laliphambi kwendlu ^ew.

48Wasengiletha ekhulusini lendlu ^ex, walinganisa umgubazi wekhulusi ^ey, izingalo ezinhlanu ngapha lezingalo ezinhlanu ngapha, lobubanzi besango, izingalo ezintathu ngapha, lezingalo ezintathu ngapha. 49Ubude bekhulusi babuzingalo ezingamatshumi amabili, lobubanzi buzingalo ezilitshumi lanye ^ez; wasengiletha ngezinyathelo abenyukela kulo ngazo; futhi kwakulezinsika ^fa ngasemigubazini ^fb, enye ngapha, lenye ngapha.